Јасно е дека вежбањето е добро за нашето здравје, и физичко и психичко, но има многу поголемо влијание на психичкото здравје од вашиот материјален статус, а истражувачи од Јеил и Оксфорд тоа и го докажале.
Научниците собрале податоци за физичките активности и расположението, а бројот на испитаници е повеќе од 1,2 милиони Американци, врз основа на кои тие објавиле и научна студија.
Истражувачите им поставувале разни прашања на учесниците за нивното расположение, физичките активности како и нивната заработка. Имале можност да избираат помеѓу 75 понудени типови на физичка активност – од косење на тревник, па се до трчање и теретана.
Луѓето кои се физички активни се многу посреќни
Научниците откриле дека оние кои редовно вежбаат се чувствуваат лошо само 35 дена годишно, додека неактивните испитаници се чувствуваат лошо во просек за 18 дена повеќе.
Научниците откриле дека физички активните луѓе се чувствуваат подеднакво добро како и оние кои се неактивни, но заработуваат 25.000 долари повеќе на годишно ниво. Премногу вежбање не е добро!
Во студијата се наведува дека физичката активност може да биде добра за психичкото здравје во некоја мерка. Се препорачува тренинг од три до пет пати неделно во траење од 30 до 60 минути.
Научниците заклучија и дека тимските спортови имаат попозитивно влијание на менталното здравје од другите спортови.
Велосипедизам, аеробик, фитнес не се сметаат технички во тимски спортови, но исто така имаат позитивно влијание на целокупното здравје.
Коментари