Шпанскиот фудбалер и довчерашен член на мадридски Реал, Хозе Мариа Калјехон кариерата ќе ја продолжи во италијанскиот вицешампион Наполи.
Калјехон со клубот од Неапол потпиша повеќегодишен договор, а цената на трансферот изнесува 10 милиони евра.
Тој во претходните две години во дресот на Реал одигра 76 средби и постигна 20 голови, а со кралскиот клуб освои по една титула во Примера, Кралскиот Куп и националниот СуперКуп.
Покрај Реал од каде што потекнуваше, Калјехон во својата кариера играше и за Еспањол.
За младинскиот државен тим на Шпанија забележа осум настапи и постигна еден гол.