Филмот Joker ги руши сите рекорди на гледаност, а режисерот Тод Филипс ги израдува фановите со изјавата дека би било вредно да се сними и продолжение.
Иако во моментов не работат на тоа, како што изјави, тој би се согласил на тоа само доколку во главната улога повторно глуми маестралниот Жоакин Феникс.
„Тоа не би можело да биде само див и луд филм за „Принцот на криминалот“. Мора да има некоја тематска резонанца на сличен начин како што тоа го има првиот филм. Толку многу филмови ја споменуваат искрата, но Joker беше барут. Ако сме во состојба повторно да го направиме сето ова во продолжение, тоа би било доста интересно“, изјави Филипс.
Шпекулациите за снимањето на продолжение на филмот започнаа во август, а Филипс тогаш изјави дека ќе стори сé само актерот Жоакин Феникс повторно да се оствари во улогата на Joker.
Joker ја премина заработка од милијарда долари и е трет најголем DC филм за херои од стрипови-негативци по Dark Knight Rise, кој заработи 1.084 милијарди долари и Aquamen, кој заработи 1.140 милијарди долари.
