Volkswagen не престанува со изненадувањата и најавува уште еден електричен автомобил.
Се работи за сосема нов концепт на ID семејството, кој ќе биде претставен под мотото кое, исто така е и името на изложбата во автомобилскиот музеј Петерсен каде ќе биде премиерата. Изложбата се отвора на 20 ноември, а ден претходно Volkswagen на јавноста ќе и ја покаже новата електрична студија.
Иако во најавата е користен рендер на минатогодишниот концепт, се очекува комплетно ново толкување на електричниот автомобил во блиска иднина.
Да речеме и дека посетителите на изложбата ќе можат да дознаат сè за новата MEB платформа за електрични возила, нејзиниот развој, карактеристики и потенцијални примени во иднина.
