Шведскиот Volvo го покажа долгоочекуваниот прв електричен Volvo, XC40 recharge. Се предвидува дека Volvo до 2025 година ќе продава 50 проценти од сите свои електрични автомобили годишно, од кои првиот е XC40 recharge, кој во гаражите на сопствениците ќе се најде на крајот на следната година.
Како и класичниот XC40, електричната верзија е направена на истата флексибилна CMA платформа, освен што батеријата од 78 kWh е скриена на дното на автомобилот. Сила даваат два електрични мотори, еден по оска, како би обезбедил погон на сите тркала, а заедно произведуваат 300 kW (408 КС) моќ и 660 Nm вртежен момент, овозможувајќи му на XC40 од 0 до 100 km/h да забрза за 4,9 секунди.
Се проценува дека со полна батерија ќе може да патува и до 400 километри, додека батеријата ќе се полни за нешто помалку од 8 часа на домашен полнач од 11 kW и од 0 до 80 проценти за 40 минути на брз полнач од 150 kW.
Визуелно, електричната верзија не е премногу различна од класичната, само маската е различна и на секоја страна од затемнетиот C-столб е поставен знак за повторно полнење.
Нема големи разлики внатре, но XC40 recharge има нов мултимедијален систем напојуван од Android. Цената е сè уште непозната.
