Францускиот Peugeot почнува овој месец со продажба на новата генерација на моделот 208 во Европа, а првите податоци ветуваат.
Купувачите се особено воодушевени од електричната верзија која би можела да ги надмине очекувањата на француските лидери на компанијата.
Во Peugeot првично очекуваа е208 да учествува со десет проценти од вкупното производство на овој модел. Меѓутоа, побарувачката за електричен 208 е многу поголема.
Peugeot има добиено 40.000 резервации за 208, од кои дури една четвртина за е208, потврди директорот на компанијата Жан Филип Императо.
Во францускиот гигант, сепак, се повнимателни кога станува збор за претпоставките за реални набавки, па Императо предвидува дека е208 ќе учествува со 20 проценти од вкупното производство на модели.
Peugeot планира годишно да направи околу 300.000 единици од малиот хечбек.
