Американскиот производител на електрични автомобили Tesla продолжува да ја проширува својата продажна мрежа во Европа.
Tesla aвтомобилите сега можат да се купат во уште четири земји – Полска, Унгарија, Романија и Словенија.
Тоа значи дека државјаните на овие четири земји можат да нарачаат Model 3, Model S или Model X преку интернет, а првите испораки се очекуваат на почетокот на 2020 година.
Почетна цена за Model 3 е 39.500 евра за верзија со задни тркала и стандардна автономија, додека варијанта со два електромотори и погон на сите тркала чини 48.200 и 53.000 евра кога станува збор за најмоќната изведба.
Model S може да се купи за 78.580 или 86.580 евра, а за кросовер Model X е потребно да издвоите 90.480 евра.
Словенија дава субвенции за набавка на електрични автомобили во износ од 7.500 евра.
Со продажбата во наведените земји не пристигнува истовремено и сервисната мрежа. Најблиските градови во кои Словенците ќе можат да го сервисираат својот Tesla се Грац и Салцбург во Австрија, и во Падова, Италија, а наскоро ќе биде отворен во Будимпешта.