Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 12,322.35 0.93%    KMB 6,202.99 -0.46%    MPT 64,939.86 -0.09%    OHB 4,650.00 1.09%    RZLV 38.00 -5%    RZUS 55.70 9.22%    SBT 2,707.00 6.12%    TEL 318.00 2.91%    TNB 17,400.00 0.29%    ZPKO 2,270.00 0%    

Струшките вечери на поезијата стануваат четиријазични

Време: 14:10

Датум: август 19, 2019

Категорија: КУЛТУРА

Струга, задутре, 21 август, 58. пат, ќе стане сцена на една од најголемите и најпрочуени културни манифестации во земјата, но и пошироко – поетскиот фестивал Струшките вечери на поезијата.

Во годинешното издание ќе учествуваат 32 странски и 30 домашни поети, програмата на фестивалот има 52 настана, а покрај Струга како град домаќин, каде што ќе се одржат најголем дел од настаните, поетите во рамките на програмата „Поезија на пат“ ќе се претстават и во Охрид, Калишта, Куманово, Велес, Прилеп, Небрегово и во Скопје.

Една од новините во фестивалската содржина, за која организаторите сметаат дека ќе стане значителен белег на светски познатиот фестивал, е „Поетската порака“. Автор на годинешната „Поетска порака“, која ќе биде прочитана на церемонијата на отворањето на фестивалот, е истакнатиот македонски поет Влада Урошевиќ, на кој по повод осумдесет и петгодишниот јубилеј во рамките на програмата му е посветен посебен термин за поетски портрет.

Покрај ова, фестивалот Струшките вечери на поезијата, годинава, во своето 58. издание, ќе им понуди на учесниците и на публиката уште неколку новитети. Најпрвин фестивалот ќе стане четиријазичен – покрај на македонски и англиски, главните читања на фестивалот ќе бидат и на албански и француски јазик. Повеќето од настаните ќе бидат пренесувани во живо на официјалниот канал на „Јутјуб“. За главните фестивалски настани – гала-отворањето и за затворањето на фестивалот – ќе биде обезбеден превоз од Скопје преку два правца: Скопје -Кичево – Струга и Скопје – Велес – Битола – Струга, а по завршувањето на настанот, ќе има враќање истата вечер.

Како новитет Струшките вечери на поезијата годинава преку повикот за волонтери отвори можност за млади луѓе, вљубеници во пишаниот збор, да се ангажираат во логистичкиот дел на фестивалот и да добијат можност да се запознаат и да се дружат со врвни поетски имиња.

Фестивалските настани почнуваат в среда, 21 август 2019 година, во 10 часот, со садење дрво во Паркот на поезијата во Струга и поетско читање во чест на добитникот на „Златен венец“ на СВП за 2019 година, славната романска поетеса Ана Бландијана. Потоа, во 12.30 часот во конгресната сала на хотелот „Дрим“ ќе се одржи прес-конференција со лауреатката Бландијана.

Гала-отворањето на Струшките вечери на поезијата 2019 ќе почне во 20.30 часот на платото пред Центарот за култура. Половина час подоцна на истото место ќе почне поетското читање „Поетски меридијани“.

Програмата, следниот ден, 22 август 2019 година, ќе продолжи во 10 часот во хотелот „Дрим“ со портрет на Зоран Анчевски, добитникот на наградата „Браќа Миладиновци“ за 2018 година.

Целата програма на фестивалот може да се види тука.

НАЈНОВО ОД КАТЕГОРИЈАТА

  • Макартни вели дека тој и Ленон останале пријатели до крајот

    Макартни вели дека тој и Ленон останале пријатели до крајот

    Сер Џејмс Пол Макартни верува дека луѓето погрешно ја просудуваат неговата улога во распадот на „Битлси“. Тој е свесен дека многу фанови мислат членовите на…

  • Почина писателката Исидора Бјелица

    Почина писателката Исидора Бјелица

    Писателката и ТВ-водителка Исидора Бјелица почина денеска во Белград на 52 години, потврди издавачката куќа „Лагуна“. Бјелица е родена во Сараево на 10 декември 1967…

  • Отворено 60. јубилејно издание на „Охридско лето“

    Отворено 60. јубилејно издание на „Охридско лето“

    Со концерт насловен „Вокални бисери – по стапките на Ана Липша“, посветен на нашата оперска примадона Ана Липша Тофовиќ, во изведба на солистите Марија Јелиќ…

  • Воведена нова категорија на „Ем-ти-ви“наградите – најдобро карантинско видео

    Воведена нова категорија на „Ем-ти-ви“наградите – најдобро карантинско видео

    Поп-sвездите Аријана Гранде и Лејди Гага водат на листата моќни девојки номинарани за наградата најдобро музичко видео (MTV Video Music Awards), а телевизискиот музички канал…

  • Опра Винфри со нова серија разговори на „Епл ТВ-плус“

    Опра Винфри со нова серија разговори на „Епл ТВ-плус“

    Опра Винфри се враќа на својот формат на ток-шоу со нова серија на „Епл ТВ плус“, чии што први епизоди ќе се фокусираат на расизмот…

  • Концерти на Амира Медуњанин, Дарко Рундек и Жељко Бебек во Хераклеа

    Концерти на Амира Медуњанин, Дарко Рундек и Жељко Бебек во Хераклеа

    Амира Медуњанин, Дарко Рундек и Жељко Бебек ќе настапат во август во Хераклеа, Битола. Зад концертите стои „Авалон продукција“, од каде велат дека се потрудиле…

  • Почна 50. Републички фестивал на народни игри и песни „Илинденски денови“

    Почна 50. Републички фестивал на народни игри и песни „Илинденски денови“

    Со изложба на фотографии „За живот на традицијата – 50 години ЦИОФФ“, синоќа во Битола почна 50. јубилјено издание на Републичкиот фестивал на народни игри…

  • Идрис Елба ќе добие специјална награда „Бафта“

    Идрис Елба ќе добие специјална награда „Бафта“

    Британскиот актер Идрис Елба на крајот на овој месец ќе добие едно од највисоките почести што ги доделува британската академија за филмска и телевизиска уметност…

  • Кралицата Елизабета одбележува 25.000 дена на престолот

    Кралицата Елизабета одбележува 25.000 дена на престолот

    Британската кралица Елизабета одбележува 25.000 дена како е на престолот, или 68 години, пет месеци и 12 дена од нејзиното крунисување на 6 февруари 1952…

  • Сцената од „Сплетки“ прогласена за најдобар момент во историјата на телевизијата(видео)

    Сцената од „Сплетки“ прогласена за најдобар момент во историјата на телевизијата(видео)

    Сцената во која Делбој Тротер во легендарната серија „Сплетки“ пропаѓа низ отворен шанк е прогласена за најдобар момент во историјата на телевизијата. Тоа е сцена…