Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 10,275.91 1.05%    ELEKTKU1 25.00 0%    ERMT 177.00 -10.15%    GRNT 943.18 0.04%    KMB 5,565.98 0.33%    MTUR 5,250.10 -0.94%    OKTA 4,507.62 -0.05%    PKB 11,800.00 7.27%    RMDEN17 99.00 1.02%    RMDEN18 98.60 -0.1%    RZLIPTE1 25.00 0%    RZUG 12.00 0%    STB 1,201.67 0.14%    TTK 1,448.32 -2.14%    

ГАЛИЧКА СВАДБА 2019: Традиција и обичаи преточени во атракција

Време: 22:37

Датум: јули 4, 2019

Категорија: КУЛТУРА

И оваа година, од 12-ти до 14-ти јули, по 46-ти пат, на падините на планината Бистра, во живописниот Галичник, ќе се одржи традиционалната културно-сценска манифестација Галичка свадба. Неколкуте илјади посетители од земјава и странство кои се очекува да пристигнат на оваа автентична манифестација, одново ќе имаат можност да уживаат во уникатните свадбарски обичаи и ритуали, проследени со богатиот колорит на народните носии и изворните песни и ора карактеристични за овие краеви од Македонија. Во центарот на вниманието и на годинешната најпозната македонска свадба ќе бидат галичката невеста Марина Петровска и младоженецот Огнен Караѓозовски, кој по потекло е од Галичник.

„Како организатори на оваа манифестација сме особено задоволни што и годинава на најдобар можен начин ја продолжуваме вековната традиција на Мијаците, како дел од македонското културно богатство. Галичката свадба е светски позната и призната културна и туристичка манифестација, која придонесува за промоција на нашата земја и на сите нејзини убавини. Тоа, како и сѐ поголемиот број посетители на оваа манифестација, за сите нас претставува дополнителен мотив да продолжиме да вложуваме максимални напори да ја одржиме и постојано да ја збогатуваме“, вели Александар Костиќ од организацискиот тим на Месната заедница Галичник.

Од витално значење за организирањето и одржувањето на атрактивноста на оваа автентична манифестација е поддршката што ја обезбедуваат големиот број нејзини партнери и помагатели. Еден од нив е компанијата „Пивара Скопје“, која е партнер на манифестацијата од нејзините почетоци и која, и оваа година, покрај финансиска поддршка, обезбеди и соодветна количина пијалаци од своето портфолио за сите учесници во свадбeната церемонија.

„Горди сме што веќе 46 години во континуитет сме неизоставен дел од оваа уникатна манифестација која е огледало на нашата богата традиција и културно наследство. Им честитам на младенците и во оваа пригода би сакал да наздравиме за нивната љубов, среќа и бериќет, како и за пријателството и заедништвото кои нѐ поврзуваат и зближуваат“, вели Ламбро Патче, менаџер за односи со јавност и комуникации во „Пивара Скопје“.

Покровител на годинешната Галичка свадба е Претседателот Стево Пендаровски.

Како и секоја година, почетокот на годинешната Галичка свадба ќе биде означен в сабота, на 13-ти јули, со поставување на свадбарското знаме и симболичниот чин на „фрлање“ три пушки од куќата на зетот. Венчавањето на младенците ќе се изврши в недела, во храмот „Св. Апостол Петар и Павле“ во Галичник, а свеченоста ќе заврши со чинот на испраќање на тапанџиите и зурлаџиите.

Традиционално, со одржувањето на Галичката свадба ќе се означи и почетокот на „Галичкото културно лето“, кое и овојпат се очекува да понуди најразлични забавни и музички содржини, прилагодени за сите генерации посетители.

За да можат сите посетители да уживаат во убавината и автентичноста на годинешната Галичка свадба, во деновите на одржување на манифестацијата, особено в недела, ќе биде воспоставен специјален сообраќаен режим, за кој организаторите апелираат доследно да се почитува. Кон ваквиот апел се приклучи и претставникот на Пивара Скопје кој ги повика сите посетители да консумираат алкохол одговорно, да возат безбедно и да се грижат максимално за одржување на чистата природа во Галичник и неговата околина.

Поддржувачи и партнери на годинешната манифестација Галичка свадба се: Министерството за култура, Пивара Скопје АД, ВВ Тиквеш, Стопанска Банка АД Скопје, Комерцијална Банка АД Скопје, ЕВН Македонија, МЕПСО, ЕСМ, Фонд за иновации и технолошки развој, Макпетрол АД Скопје, ОКТА АД Скопје, ГА-МА АД Скопје, Maja – природна нискоминерална вода, Алкалоид АД Скопје, ЈСП Скопје, Општина Маврово и Ростуше, Национален Парк Маврово, ЈПКД Маврово, ЈЗУ Здравствен дом Ростуше, Општина Ѓорче Петров, Неотел, Клиника Жан Митрев, Спортлајф, Дабар, Дигитал Центар, Мобилен санитарен сервис, Шерпа хорс рајдинг, Спајдер Груп, Солар спектар, Пакомак и Комунална Хигиена Скопје.

КОМЕНТАРИ

НАЈНОВО ОД КАТЕГОРИЈАТА

  • Јавен повик од Град Скопје за финансирање на проекти од културата

    Јавен повик од Град Скопје за финансирање на проекти од културата

    Град Скопје го објави Јавниот повик за финансирање проекти и активности од областа на културата од интерес на Градoт за 2019 година, на кој може…

  • По 28 пат ќе се одржи Меѓународниот детски фолклорен фестивал „Оро без граници“

    По 28 пат ќе се одржи Меѓународниот детски фолклорен фестивал „Оро без граници“

    ЈУ. Детскиот културен центар – „Карпош “, од 19 до 22 септември 2019 година по дваесетиосми пат ќе го организира најмасовниот и најстариот Меѓународен детски…

  • Македонски народни носии од 19 век

    Македонски народни носии од 19 век

    Нашево поднебје е исклучително богато со македонски народни носии од различни етнографски целини. Грижата за нивно зачувување и презентација е различна, но се чини најголем…

  • Вечерва свечено отворање на фестивалот ,,Браќа Манаки”

    Вечерва свечено отворање на фестивалот ,,Браќа Манаки”

    Вечерва свечено ќе биде отворено 40. издание на Интернационалниот фестивал на филмска камера „Браќа Манаки” во Центарот за култура во Битола, на кое ќе се…

  • 40. издание на „Браќа Манаки” го отвора „Болка и слава” на Алмодовар

    40. издание на „Браќа Манаки” го отвора „Болка и слава” на Алмодовар

    Престижниот филмски фестивал „Браќа Манаки” оваа година се одржува по јубилеен 40. пат, а ќе го отвори новиот филм на култниот шпански режисер Педро Алмодовар,…

  • НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

    НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

    Животот си тече мирно како река, сè додека Мичо и Себастијан, наместо риба, не уловат порака во шише со своите трски за риболов. Дали писмото…

  • Четврт век од премиерата на „Пред дождот“ на Милчо Манчевски

    Четврт век од премиерата на „Пред дождот“ на Милчо Манчевски

    Вчера се навршија 25 години од премиерното прикажување на дебитантскиот филм „Пред дождот“ на Милчо Манчевски на Филмскиот фестивал во Венеција (La Biennale di Venezia),…

  • Почнува Меѓународниот фестивал на комедијата „Гола месечина“

    Почнува Меѓународниот фестивал на комедијата „Гола месечина“

    Седум претстави и еден документарен филм се на програмата на шестиот Меѓународен фестивал на комедијата „Гола месечина“, кој ќе почне денеска и ќе трае до…

  • Шпански режисер добитник на „Златен лав“ за животно дело

    Шпански режисер добитник на „Златен лав“ за животно дело

    Познатиот шпански режисер Педро Алмодовар на Венецискиот филмски фестивал ја прими наградата „Златен лав“ за животно дело. Шеесет и деветгодишниот оскаровец, познат по филмовите „Зборувај…

  • Петрунија се закити со уште една награда

    Петрунија се закити со уште една награда

    “Господ постои, името и е Петрунија” се закити со уште една награда. Најновата награда доаѓа од Оренбург, Русија, каде на Меѓународниот филмски фестивал “Исток и Запад…