Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,931.87 0.24%    BESK 5,700.00 0%    GRNT 940.00 -1.25%    KMB 5,997.97 -0.02%    MPT 66,000.00 1.54%    RZIN 46.00 -48.89%    SBT 2,600.33 0.01%    TNB 16,500.00 0.92%    TTK 1,282.00 0%    ZPOG 1,800.00 0%    

Предавање и концерт на уметникот Емин Џијан во организација на „Охридско лето“

Време: 15:21

Датум: јуни 12, 2019

Категорија: КУЛТУРА

Во организација на Националната установа „Охридско лето“ и генералниот спонзор на нашата најпозната и најмасовна музичко-сценска манифестација „Македонски телеком“, синоќа, во катедралната црква „Света Софија“ предавање на тема „Музиката денес“ одржа познатиот македонски композитор, аранжер, продуцент и диригент Емин Џијан.

Уметникот укажа на различните перцепции во музиката, а се задржа и на начините на кои таа се создавала во минатото и денес.

– Се обидов да дадам свое појаснување на одредени проблематики за да можат слушателите на убав начин да ја примат музиката и да можат на некој начин да ја разберат онаа квалитетната или некомерцијална музика, рече Џијан.

Џијан е препознатлив по неговите авторски изрази што претставуваат фузија на различни музички жанрови со изразена дистинкција на вистинската и комерцијалната музика.

– Одговорот на прашањето како може да се разликува квалитетната музика е многу мистериозно. Впрочем и самата музика е најмистериозната појава. Не постои, освен ако не се запише на хартија, но и таа хартија е мртва. Музиката е временска уметност. Самиот концерт или настан што се случува во моментот и дава посебна димензија и само луѓето кои се присутни во тој момент и на тој простор можат вистински да ја уживаат музиката и да ја почувствуваат магијата, бидејќи не е исто како носач на звук кој се слуша дома, во фотелја или во автомобил, појасни Џијан.

Според него, авторот не ја прави музиката за себе туку за луѓето и мора да најде најдобар начин како да ја презентира, за да може публиката да ја открие вистинската вредност на делото, а истовремено и на изведувачот.

– Технологијата денес како и во секојдневието помага и во креирањето музика, но постои страв дека компјутерите ќе ја преземат целата работа. Секако, ние кои се занимаваме со правење музика на традиционален начин, ќе продолжиме да го правиме тоа. Таа борба ќе трае. Светот на квалитетната музика ќе биде во минус, но потоа ќе следи откровение, додаде Џијан.

Директорката на НУ „Охридско лето“ Наташа Поповиќ изрази задоволство од предавањето, дотолку повеќе што беа изнесени информации за слушателите поврзани со музиката во минатото која всушност е база за се она што се создава денес како квалитетна музика музика.

– Бидејќи и самата доаѓам од светот на класичната музика, сметам дека се ова што се случува денес со новата технологија, иако е многу олеснето, дава друга тежина. Сепак, базата ја сочинуваат Бах, Бетовен, Моцарт, рече Поповиќ.

По предавањето беше одржан и концерт на квартетот на Џијан, во чиј состав членуваат и Гоце Стевковски на тапани, Кирил Кузманов на алт саксофон и флејта и Кирил Туфекчиески на контрабас, врвни мајстори на своите инструменти. На програмата беа авторски композиции на Емин Џијан прилагодени за овој состав.

Охридската публика го памети Џијан по реализацијата на спектакуларните проекти со Дерик Меј во 2014 година, како и со Хуан Аткин во 2018 година, кои настапија заедно со Македонската филхармонија. 

НАЈНОВО ОД КАТЕГОРИЈАТА

  • Објавен нов број на списанието „Македоника“

    Објавен нов број на списанието „Македоника“

    Во најновото издание на списанието „Македоника“, двобројот 23-24, што го издава Друштвото за издавачка дејност „Македоника литера“ од Скопје, меѓу другото, се објавени петнаесетина текстови…

  • Реализиран музичкиот проект  „Скопје во три бои“ – со порака за продолжување на соживотот

    Реализиран музичкиот проект „Скопје во три бои“ – со порака за продолжување на соживотот

    Сплет од музички изведби на макеодонска, ромска и турска музика, ја  потврди сплотеноста на народите кои живеат на исто парче земја, како еден завет да…

  • Роби Вилијамс и ќерката се плашат од дух во нивниот дом

    Роби Вилијамс и ќерката се плашат од дух во нивниот дом

    Пејачот Роби Вилијамс и неговата седумгодишна ќерка Теди се исплашени од дух во нивниот дом во Велика Британија. Пејачот, кој претходно тврдеше дека зборувал со…

  • Почина музичкиот гениј, италијанскиот композитор Енио Мориконе

    Почина музичкиот гениј, италијанскиот композитор Енио Мориконе

    Светот жали по веста за смртта на музичкиот гениј, италијанскиот композитор Енио Мориконе кој почина во 91. година од животот. Во својата кариера тој има напишано музика…

  • Двејн Џонсон – “The Rock” е најскапо платениот „инфлуенсер“ на Инстаграм

    Двејн Џонсон – “The Rock” е најскапо платениот „инфлуенсер“ на Инстаграм

    Холивудската ѕвезда Двејн Џонсон – “The Rock” е најскапо платениот Инстаграм „инфлуенсер“, според податоците на британската компанија за маркетинг на социјалните мрежи – “Хопер ејч-кју”.…

  • Почнува „Скопско лето“ со ограничен број посетители и со мерки за заштита

    Почнува „Скопско лето“ со ограничен број посетители и со мерки за заштита

    Со концертот „Скопје во три бои“ вечер од 20.30 часот во Сули ан ќе биде отоврен 41-от фестивал „Скопско лето“, кој традиционално почнува на 21…

  • Дизни на врвот на американскиот боксофис

    Дизни на врвот на американскиот боксофис

    Дизниевите „Зоотопија“ и „Одмаздници“ се искачија на врвот на американскиот боксофис четири и шест години по премиерното прикажување. Додека новите холивудски филмови се ставени во…

  • Што се случува? Навистина е тешко да се гледа: Секоја нова фотографија од нашиот омилен Чендлер е се позагрижувачка

    Што се случува? Навистина е тешко да се гледа: Секоја нова фотографија од нашиот омилен Чендлер е се позагрижувачка

    Метју Пери е виден како се потпира на зграда и се обидува да земе воздух, а неговата асистентка му помогнала да влезе во автомобилот. Штом…

  • Програма на Националната галерија за 2020 година

    Програма на Националната галерија за 2020 година

    Почетокот на 2020 година работата на Националната галерија, како и кај сите светски музеи и галерии, се базираше на интерактивни содржини на електронските медиуми и…

  • Виртуелна посета на археолошкиот локалитет Тумба Маџари

    Виртуелна посета на археолошкиот локалитет Тумба Маџари

    Археолошкиот музеј овозможи виртуелна тура во „Неолитското село” – музеј под отворено во археолошкиот локалитет Тумба Маџари во Скопје, кој сè уште е затворен за…