Швајцарската централна банка остварила профит од шест милијарди франци во 2012 година, благодарение на странските влогови во злато и готовина, соопштија од банката.
Остварениот приход од странските готовински влогови изнесува околу 4,7 милијарди франци.
Странските влогови во злато на банката и донеле 1,4 милијарди франци, пренесуваат швајцарските медиуми.
Конечниот извештај за минатогодишните работни резултати на швајцарската централна банка ќе биде објавен на 7 март, а извештајот за работата на банката на 4 април, соопштија претставници на оваа институција.