Минатата година беше многу плодна за „Fiat Chrysler Automobile“ (FCA) во САД, па италијанско-американската компанија одлучи да ги почасти своите вработени.
Како што пренесуваат американските медиуми, секој од 44.000-те вработени во „FCA“ во САД на почетокот на март ќе добијат бонус чиј просечен износ е 6.000 долари.
Работниците на „FCA“ во САД во изминативе десет години колку што редовно добиваат бонуси, имаат добиено околу 30.000 долари.
Италијанско-американската компанија во текот на 2018-та продаде 2,24 милиони возила во САД, што е раст од 8,5% во однос на претходната година.
Носители на овој раст се брендовите „Jeep“ и „RAM“.