На почетокот на оваа година претставници на „Mercedes-Benz“ ги регистрирале во патентниот завод на САД трговските имиња „GLS 600“, „GLS 680“ и „S 680“, кои се очекува да бидат употребени од модели на брендот „Mercedes-Maybach“. Само еден месец подоцна, компанијата регистрираше уште една серија нови имиња кои ќе бидат искористени за идните модели.
Според информации на весникот „Auto Guide“, на 4-ти февруари германскиот производител ги регистрирал во Европската комисија за патенти и интелектуална сопственост, трговските називи „O 120“, „O 140“, „O 180“ и „O 200“. Во официјалниот документ е запишано дека тие можат да бидат употребени за лесни автомобили, пикапи, камиони и микроавтобуси.
Изданието додава дека во моментов германскиот концерн „Daimler“ го користи називот „O“ за цело семејство градски автобуси. Последниот таков модел на „Mercedes-Benz“ е познат како „O530“, но пак регистрацијата на помали броеви нема смисла за пазарот на овој тип возила. Покрај тоа, новите имиња се разликуваат по стил, бидејќи меѓу O и бројот има интервал кој кај автобусите отсуствува.
Интересно е исто така, дека кај новите патенти на имиња на автомобили бројот со 3 бројки покажува големината или моќноста на моторот. Затоа „Mercedes“ најверојатно ќе го користи новото семејство на имиња на „О“ класата за идни комерцијални возила.
