Јапонскиот производител „Subaru“ ја покажа новата генерација на седанот „Legacy“. Премиерата се одржа на Меѓународниот саем на автомобили во Чикаго, а автомобилот беше претставен како „најтехнолошкиот и економичниот „Legacy“ во 30-годишната историја на моделот“.
Новиот „Legacy“ е изграден на глобална модуларна платформа, која во проширена верзија исто така се користи и кросоверот со 8 седишта „Ascent“. Исто така, во него се користи 4-цилиндричен арегат со турбополнач од типот „боксер“. Моторот е со 260 КС и 376 Nm вртежен момент, и работи во комбинација со погон на четири тркала и симетричен погон на четири тркала.
Забрзувањето од 0 до 96 км/ч седанот го остварува за 6.1 секунди, а просечната потрошувачка на гориво изнесува 9.8 л/100 км. Надвор од градот, новиот „Legacy“ во просек троши 7,3 л/100 км.
13% повеќе челик со висока цврстина се користи во дизајнот, со што отпорот се зголеми за 71% и носачите за 100%. Сега елементите на телото апсорбираат 40% повеќе енергија при удар.
Дополнително, седанот нуди подобро управување, удобност и звучна изолација. Елементите за суспензијата се полесни и потешки и има повеќе простор во кабината на ниво на рамената и нозете на патниците. Нивото на бучава е намалено на 3 децибели. Волуменот на багажникот е 427 литри.
Во опремата на новиот „Legacy“ влегува мултимедијален систем со 11,6-инчен вертикален екран на допир (кај основната верзија тој е 7-инчен), точка за пристап до „Wi-Fi“, четири „USB“-порти, аудио систем „Harman Kardon“ со 12 звучници , што им овозможува на клиентите на брендот да користат различни услуги.
Новата опрема на новиот „Legacy“, исто така, вклучува и систем за следење на мртвите зони „EyeSight“, управување во лентата на движење, помош при паркирање нанзад. Дополнително се плаќа специјалната камера која ја следи состојбата на возачот и го предупредува при одвлекувањето на вниманието од патот.
Продажбата на моделот во САД започнува во текот на есента, со основна цена од 22.000 долари.
