Листата на кандидати за „Светски автомбил за 2019-та“ (World Car of the Year) е скратена од 40 имиња на 10 финалисти, а победникот ќе биде познат на 17-ти април.
Во најтесниот круг за оваа престижна титула влегоа следните модели на автомобили: електричниот „Audi e-tron“, „BMW Seriеѕ 3“, „Ford Focus“, „Genesis G70“, „Hyundai Nexo“ со водородни горливи ќелии, електричниот „Jaguar I-Pace“, „Mercedes A Сlasѕ“, „Suzuki Jimny“, „Volvo S60/V60“ и „Volvo XC40“.
За победникот ќе одлучува жири кое се состои од 86 меѓународни автомобилски новинари, а листата во меѓу време повторно ќе биде скратена.
Најпрво на 5-ти март на саемот во Женева ќе биде објавен потесниот круг на кандидати за титулата „Светски автомбил за 2019-та“, за потоа името на победникот ќе биде соопштено во Њујорк на 17-ти април.
Покрај главната категорија, ќе се оддржи избор и во следните класи. Па така за титулата „Светски урбан (градски) автомобил за 2019-та ќе се натпреваруваат: „Audi A1“, „Hyundai AH2/Santro“, „Kia Soul“, „Seat Arona“ и „Suzuki Jimny“.
За признанието „Светски лукузен автомобил за 2019-та“ ќе се „борат“: „Audi A7“, „Audi Q8“, „BMW Serieѕ 8“, „Mercedes CLS“ и „Volkswagen Touareg“.
Кандидатите за титулата „Светски спортски автомобил за 2019-та“ се: „Aston Martin Vantage“, „BMW M2 Competition“, „Hyundai Veloster N“, „McLaren 720S“ и „Mercedes-AMG 4-door Coupe“.
Во категоријата „Светски еколошки автомбил за 2019-та“ ќе учествуваат: „Audi e-tron“, „Honda Clarity PHEV“, „Hyundai Nexo“, „Jaguar I-Pace“ и „Kia Niro EV“.
На крајот жирито ќе одлучува и за „Најдобро дизајнираниот светски автомобил за 2019-та“, а кандидатите за ова признание се: „Citroen C5 Aircross“, „Jaguar E-Pace“, „Jaguar I-Pace“, „Suzuki Jimny“ и „Volvo XC40“.
Потсетуваме, минатогодишниот севкупен победник во изборот „Светски автомобил на годината“ беше „Volvo XC60“.
