Германскиот гигант „Volkswagen“ го откри „Golf GTI TCR“, легална верзија на автомобил инспириран од тркачки модел.
„TCR“ е сместен помеѓу „Golf GTI Performance“ и „Golf R“, и го придвижува 2,0-литарски четирицилиндарски агрегат кој развива 290 KS.
Тоа е 45 KS повеќе од обичниот „GTI“, a 10 KS помалку од „R“ верзијата на „Golf“.
За пренос на моќта на предната осовина е задолжен седумбрзинскиот автоматски менувач со двојно квачило, со кој „TCR“ забрзува за 5,6 секунди до „стотка“ и развива максимална брзина од 260 km/h.
Почетната цена на „Golf GTI TCR“ во Германија е 38.950 eвра, a дополнителните пакети на опрема чинат 2.350 и 3.200 eвра.