Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 8,997.21 2.49%    GRNT 860.00 3.42%    KMB 5,200.05 -0.07%    MPT 62,913.00 1.19%    OKTA 4,656.38 -0.08%    PPIV 41,102.00 0%    RMDEN10 98.00 -1.8%    RMDEN17 98.30 0%    SBT 2,350.00 -6%    SKP 54,000.00 0%    STB 1,012.09 -0.05%    TEL 290.00 0%    TKVS 5,350.00 -0.03%    TNB 15,499.05 -0.01%    UNI 2,067.06 -2.95%    

Концерт за 25 години уметничка кариера на дуото Кировски

Време: 10:49

Датум: декември 25, 2018

Категорија: КУЛТУРА

Со почеток во 20 часот во Македонската филхармонија концерт ќе одржи камерното дуо Кировски – Љубиша Кировски, виолина и виола и Маја Шутевска – Кировска, пијано.

Концертот е во рамките на циклусот Pro Musica, во организација на Сојузот на музичките уметници на Македонија – СМУМ и со него дуото Кировски ќе одбележи 25 години уметничка кариера и присуство на домашната и меѓународната музичка сцена. На програмата се дела од Јоханес Брамс, Астор Пјацола, Бела Барток, како и дело од македонската композиторка Бете Илин.

Повеќе од две децении, уметничките и животните патишта на двајцата уметници им се вкрстуваат во еден ретко успешен сценски израз, во креативна уметничка сеанса во која и виолината и пијаното се надополнуваат со неверојатна компактибилност, категоризирајки го камерното дуо Кировски во супериорните камерни формации на македонската музичка сцена. Слични или идентични уметнички концепции и восприемање на музиката се фундамент на креативната сила на ова дуо, низ која блеснува необичен музички оптимизам, но пред сè студиозна анализа врз музичката материја. Финалето од таа самопрегорност, издржливост и исклучителна професионална поткованост се успешните концертни настапи од кои слушателската публика излегува задоволна и исполнета со музика. Двајцата резбари на виолината и пијаното квалитетно и адекватно го применуваат своето солидно едукативно студиско, послестудиско и концертно искуство, влегувајки низ ширум отворената музичка врата не само кај нас туку и во странство, а чиј праг го поминуваат само најдобрите и најуспешните.

Дуото Кировски е формирано во 1993 година. Оттогаш до денес има реализирано бројни настапи надвор од Македонија, меѓу кои во Хрватска (Загреб, Осиек, Риека и Пула), Србија (БЕЛЕФ во Белград, фестивал Нови Сад, Врњачка Бања, Подгорица), Полска (Варшава, Краков, Лоѓ), Италија (Трст, Фиренца), Швајцарија (Лозана), Турската Република Северен Кипар (Беледијеси Фестивал), Бугарија, Велика Британија (Лондон), САД (Њујорк), Германија и во Македонија на фестивалите „Охридско лето“, „Златна лира“, „Скопско лето“, „Хераклејски вечери“, „Есенски музички свечености“, Салонот 19,19 при Културно-информативниот центар во Скопје.

Во 1997 година дуото специјализира на Европската Моцарт академија во Варшава кај следните еминентни професори (Г. Такач, И. Роман, Г. Жислин Г Самољотов), а кај професорите Павел Гилилов и Пјер Амојал на Летната академија во Лозана се усовршувале за изведба на сонати за виолина и пијано, каде од професорите биле избрани меѓу трите најдобри дуа. Во 1998 година биле добитници на Специјалната награда на Ц.Е.И (Централно-европската иницијатива), на Меѓународниот натпревар за камерна музика Трио ди Триесте, Италија

Репертоарот на дуото опфаќа дела барокот до музиката на 20 век со над 50 сонати за виолина и пијано. Дуото посебно го негува македонското музичко творештво редовно изведувајќи дела од македонски композитори, од кои голем број дела се посветени на дуото. Во 2011 година имаат концерти во Њујорк, Лондон и Скопје со дела од македонски композитори посветени на дуото, а во 2012 премиерно го изведуваат двојниот цонцерт за виолина и пијано од Димитрије Бужаровски со Македонската филхармонија, кој е воедно и посветен на нив.

Во 1999 го сниммат својот прв компакт-диск во живо од фестивалот „Охридско лето“. Во 2004 година ја добиваат наградата „Златна лира“ за врвни уметнички достигнувања во 2003 година која ја доделува Сојузот на музички уметници на Македонија. Во 2005 година го реализираат својот втор компакт-диск во живо, на фестивалот „Есенски музички свечености“. Третиот троен компакт-диск излегува во 2010 година и содржи три концерти снимени во живо, од кои едниот е со дела од македонски композитори.

Во 2014 година дуото ја добива наградата „Виртуози“ за најдобар камерен ансамбл во Македонија за 2013 година во која го прославија 20-годишниот јубилеј. Во 2015 година ја добиваат наградата „Георги Божиков“, која ја доделува СОКОМ за континуирана изведба на дела од македонски композитори во 2014 година.Концертот е поддржан од Министерството за култура на Република Македонија.

КОМЕНТАРИ

НАЈНОВО ОД КАТЕГОРИЈАТА

  • Независните уметници, културни работници и организации со отворено писмо до премиерот Зоран Заев по повод најавените промени во управувачката структура на МКЦ

    Независните уметници, културни работници и организации со отворено писмо до премиерот Зоран Заев по повод најавените промени во управувачката структура на МКЦ

    Подоле го објавуваме во целост отвореното писмо до премиерот Зоран Заев.   Почитуван г-дине Зоран Заев Претседател на Владата на Република Северна Македонија, Ви се…

  • Македонскиот бренд Биби избран меѓу 20 -те најдобри анимирани цртани за претшколски деца на фестивал во Франција

    Македонскиот бренд Биби избран меѓу 20 -те најдобри анимирани цртани за претшколски деца на фестивал во Франција

    На престижната манифестација „Картун форум“ (http://www.cartoon-media.eu/cartoon-forum/cartoon-forum-2019.htm) која од 16 до 19 септември ќе се одржи во францускиот град Тулуз ќе има презентација и на овој…

  • Почнува КРИК – Фестивал за критичка култура

    Почнува КРИК – Фестивал за критичка култура

    Започнува четвртото издание на КРИК – Фестивал за критичка култура, кој го организира Контрапункт – асоцијација за разво на критичка теорија, социо-културен активизам и современи…

  • Почнува меѓународниот натпревар „ИКС ДЕНС 2019“

    Почнува меѓународниот натпревар „ИКС ДЕНС 2019“

    Со гала концерт вечерва во Македонскиот народен театар ќе почне меѓународниот натпревар во кореографија „ИКС ДЕНС“ на кој е најавено учество на балетски уметници и…

  • Предавање и концерт на уметникот Емин Џијан во организација на „Охридско лето“

    Предавање и концерт на уметникот Емин Џијан во организација на „Охридско лето“

    Во организација на Националната установа „Охридско лето“ и генералниот спонзор на нашата најпозната и најмасовна музичко-сценска манифестација „Македонски телеком“, синоќа, во катедралната црква „Света Софија“…

  • Композиторката на музиката од „Гладијатор“ доаѓа во МКЦ

    Композиторката на музиката од „Гладијатор“ доаѓа во МКЦ

    Фантастичната вокалистка и музичар Лиса Герард, наградена со Златен глобус за музиката во филмот Гладијатор и нејзиниот последен проект на кој сорабутува со уникатниот женскиот…

  • „Пијанофест 2019“: наградата од Општина Битола во рацете на Николај од Охрид

    „Пијанофест 2019“: наградата од Општина Битола во рацете на Николај од Охрид

    Изминатиот викенд во Битола се одржа првото издание на меѓународниот натпревар во пијано „Пијанофест 2019“. Околу 80 натпреварувачи од Албанија, Бугарија, Косово и од нашата…

  • Најголемиот танцов камп и фестивал на Балканот „Битрикс Танцова Лига 5” започнува утре

    Најголемиот танцов камп и фестивал на Балканот „Битрикс Танцова Лига 5” започнува утре

    Најголемиот танцов камп и фестивал на Балканот, ова година по петти пат ќе се одржи во Скопје во организација на Битрикс културно-уметнички центар Станува збор…

  • Заврши осмото издание на Скопје Креатива 2019 – Зелено Скопје

    Заврши осмото издание на Скопје Креатива 2019 – Зелено Скопје

    Заврши осмото издание на фестивалот за развој и промоција на креативните индустрии ”Скопје Креатива 2019”, што оваа година се одбележа под мотото “Зелено Скопје“ симболизирајќи…

  • Ријана и официјално најбогата музичарка во светот

    Ријана и официјално најбогата музичарка во светот

    Пејачката и претприемачка Ријана ја симна Мадона од тронот и стана најбогатата жена во музичката индустрија. На листата на „Форбс” на најплатените жени кои сами…