Најновата генерација на корејскиот кросовер ја задржа претпознатливата силуета, со воведување на нови стилски детали.
„Kia Soul“ зa 2019-та имаше светска премиера на саемот за автомобили во Лос Анџелес, а покрај верзијата со конвенционален погонски систем, претставена е и електрична верзија од овој модел.
Погледнете го промотивното видео на кое е прикажана верзијата со спортскиот „GT-Line“ пакет на опрема:
Иако и натаму има карактеристичен изглед на надворешноста, новиот „Soul“ е дизајнерски модернизиран, пред се на предниот дел, благодарејќи на новите, тенки светлосни групи.
Aвтомобилот има и нова, масивна маска на ладиникот, која засема поголем дел од површината на предниот браник.
Значително е променет и дизајнот на задниот дел од возилото, воведувајќи специфични стоп-светла кои визуелно се вметнати во задната стаклена површина, додека „С“ столбот е дизајниран така што од профил се добива ефектот „лебдечки покрив“.
„Kia“ во Лос Анџелес ја претстави моторизацијата за северноамериканскиот пазар.
Таму купувачите ќе можат да изберат помеѓу два бензинци. Основниот 4-цилиндарски бензинец 2.0-литарски со 150 ks (110 kW) и 178 Nm, a може да биде поврзан со шестбрзински маниелен менувач или автоматик.
За оние кои сакаат помоќен мотор, тука е 1,6-литарскиот турбо бензинец со 204 ks (150 kW) и 264 Nm.
Во понудата е и електричен „Soul EV“ со батерија со капацитет од 64 kWh. Таа придвижува електромотор кој исто така произведува 204 ks, но испорачува дури 394 Nm вртежен момент.
„Kia“, меѓутоа, на премиерата не ги објави деталите за автономијата за возењето на електричната верзија, како и податоците за времето потребно за дополнување на батеријата.
Се очекува европската верзија на моделот „Kia Soul“ да биде претставена на саемот за автомобили во Женева, во март 2019-та, кога ќе бидат познати повеќе детали за опциите кои ќе се продаваат во Европа.
