Организаторите на европскиот натпревар „Автомобил на годината“ го објавија списокот со финалистите за 2019-та година. Меѓу нив спаѓаат 7 модели кои жирито од 60 новинари ги избра од вкупно 38 модели. Победникот ќе биде објавен на саемот во Женева на 4-ти март 2019-та година.
За да може да се бори за првото место, секој автомобил треба да ги исполнува следниве услови – да биде нов модел и во моментот на гласањето да се продава барем на 5 пазари во Европа. Оваа година жирито ќе избира меѓу „Alpine A110“, „Citroen C5 Aircross“, „Ford Focus“, електричниот „Jaguar I-Pace“ (на сликата), „Kia Ceed“, „Mercedes-Benz A-class“ и „Peugeot 508“.
Пред финалната одлука од „битката“ отпаднаа „Aston Martin Vantage“, „Audi Q8“, „BMW Ѕeries 3“, „BMW X5“, „Honda CR-V“, „Lamborghini Urus“, „Mercedes-Benz G-class“, „Mercedes-Benz GLE“, „Seat Tarraco“, „Volkswagen Touareg“ и „Volvo V60“.
Наградата за 2018-та година ја освои „Volvo XC40“, што претставува прва победа на шведскиот бренд на овој натпревар. Во 2017-та година до титулата дојде „Peugeot 3008“, во 2016-та година ја освои „Opel Astra“, а пак во 2015-та „Европски автомобил на годината“ беше „Volkswagen Passat“.
