Популарниот бренд Нивеа ќе го промени графичкиот дизајн на производите за нега на тело и лице.
Германската компанија „Beiersdorf“, која ја произведува Нивеа од 1882 година, одлучи оваа задача да му ја довери на швајцарскиот дизајнер Ив Бехар, кој ќе има одговорност графички да изедначи 1600 производи од Нивеа.
Бехар го редизајнираше логото од 1925 година, кое беше настаното во културно уметничкото училиште „Баухаус“. Новото лого ја користи лименката за крема како заштитен знак, со заоблени контури на новото пакување, на кое белата и сината боја се со помал интензитет.
Бехар изјави дека овој проект особено го привлекол, поради големата емоционалност која ја носи брендот Нивеа и неговата стогодишна историја.