Audi вгради 300 „коња“ во SQ2 (фото+видео)

Германскиот производител во Париз ја претстави спортската верзија на кросоверот „Q2“.

Најмалиот спортски кросовер со четири прстени пристигнува со 2.0-литарски турбобензинец од „Audi S3“ со 300 KS и 400 Nm вртежен момент.

Aвтомобилот забрзува од 0 до 100 km/h зa 4,8 секунди, со максимална брзина која е електронски ограничена на 250 km/h.

Како што се и очекува од „SUV“-от, моделот на „Audi“ со четири цилиндри моќта ја пренесува на сите четири тркала со „Quattro“ системот со седумстепен „S Tronic“ менувач со двојно квачило.

Опремен со 18 или 19-инчни бандажи, „Audi SQ2“ има 20 милиметри понизок криленс од стандардниот „Q2“ благодарејќи на потврдата спортска суспензија, што го прави поагилен во кривините.

Овој модел пристигнува и со побогата опрема, вклучувајќи „LED“ фарови и задни светла.

Со големата моќ доаѓа и голема одговорност, па сопирање на „SQ2“ се задолжени големи 340-милиметарски предни и 310-милиметарски задни сопирачки.