Од јануари следната година, синџирот на брза храна „Dunkin’ Donuts“ официјално ќе го отстрани „Donuts“ од своето име, рекламните материјали и пакетите.
Трговските локации на компанијата, исто така, ќе бидат ребрендирани, како и профилите на социјалните мрежи на синџирот.
Промената е дел од обидите на „Dunkin’“, „Brand’s“ да се разликува како компанија за пијалаци, како што се кафе, чај и закуски, за кои не се нужни крофни, пренесува „CNN“.
Од „Dunkin’“ велат дека пијалоците, особено кафето, сочинуваат 60 отсто од продажбата на компанијата во САД.
Генералниот директор на „Dunkin’“, Дејвид Хофман, коментираше во соопштението дека новото брендирање на компанијата е дел од обидот да се модернизира потрошувачкото искуство.
Минатата година, компанијата објави дека размислува за промена.
Ребрендирањето беше тестирано во Пасадена, Калифорнија, каде што беше применето ново пократко име.
Малку подоцна, друга продавница во Масачусетс исто така беше променета. Новите објекти на компанијата вклучуваат иновации, како шалтерите за клиенти, нарачка на производите онлајн за да не мора да чекаат на ред.
Меѓу другото, „Dunkin’“ планира да се прошири. Компанијата планира да ги отвори 1000 нови продавници во САД до крајот на 2020-та година.
