Јужнокорејската технолошка компанија „Samsung Electronics“ објави најслаба квартална добивка по повеќе од една година, делумно поради слабата продажба на своите „Galaxy S9“ телефони. Таа, исто така, предупреди за поголема конкуренција, поради мобилниот сектор кој се бори со проблеми, објави „Ројтерс“.
Провајдерот на компоненти за „Apple“ и конкурент на компанијата од Купертино, објави дека оперативната добивка на својот мобилен бизнис е намалена за 34% од пред една година. Ова е најбрзата стапка на опаѓање од првиот квартал од 2017-та година, откако поевтините телефони во Кина извршиле притисок врз маргините.
Јужнокорејскиот технолошки гигант им даде на инвеститорите малку причини да се надеваат на брза промена на мобилниот бизнис, нагласувајќи ја силната конкуренција во второто полугодие, на позадината на срамот дека премиум телефоните на компанијата немаат иновации кои ќе помогнат да се зголеми продажбата.
„„Samsung“ веќе загуби од Кина во цената на конкуренцијата и е под закана од кинеските модели во дизајнот и силата на хардверот“, коментира Пак Јун-Ху, фонд менаџер во „HDC Asset Management“, која поседува акции од „Samsung“. „Ова не е лесна игра за „Samsung“ освен ако навистина не ги задоволи потребите на корисниците на новите паметни телефони“.
Повисоките маркетинг трошоци и разочарувачката продажба на „S9“, кои се под очекувањата, се влошуваат од перформансите на мобилниот бизнис, рече „Samsung“.
Конкуренцијата ќе стане жестока во наредните месеци, бидејќи ќе бидат објавени нови модели, додаде компанијата. Како одговор на ова, „Samsung“ ќе се фокусира на проширување на продажбата со ослободување на новиот „Galaxy Note“ порано отколку што се очекуваше“, рече компанијата.
„Samsung“ планира да го објави новиот „Galaxy Note“ на почетокот на следниот месец.
Останува да видиме дали тешкотиите во мобилниот бизнис на „Samsung“ кој носи околу 40% од нејзините приходи, се резултат од нејзините сопствени проблеми или се одразуваат во доцнењето на индустријата, како целина.
Најголемиот производител на чипови и паметни телефони изјави дека оперативната добивка пораснала за 5,7 отсто на 14,9 илјади милијарди вона (13,3 милијарди долари) во второто тримесечје, малку надминувајќи ја сопствената прогноза од 14,8 илјади милијарди вона.
Приходите за периодот април-јуни се намалија за 4 отсто на 58,5 илјади милијарди вона.
Мобилниот бизнис забележа 34% пад на оперативната добивка до 2,7 илјади милијарди вона. Ова е најголемиот пад од лансирањето на „Galaxy S7“ на почетокот на оваа година.
Податоци на „Counterpoint Research“ за јули покажуваат дека најновиот модел на „Samsung“ – „Galaxy 9 Plus“, бил надминат од „iPhone 8“ во глобални размери, како најдобро продаван смартфон во светот.
Додека мобилниот бизнис се бори со проблеми, единица за чипови останува најпрофитабилна за „Samsung“ во вториот квартал, додека продажбата во облачната и криптовалутната индустрија ги поддржаа цените на „DRAM“ чипови, иако дека „NAND“ меморија поевтини.
Одделот за чипови оствари рекордна оперативна добивка од 11,6 илјади милијарди вона во вториот квартал, зголемена за 45% во текот на годината и во согласност со очекувањата на пазарот.
„Samsung“ вели дека побарувачката на „DRAM“ чипови, неговиот главен производ за мемории, ќе остане силна во второто полугодие благодарение на растот на центрите со сервери кои се користат за „cloud computing“.
