Со само две изјави, „Amazon“ вчера избриша 17,5 милијарди долари од пазарната капитализација на осум компании.
Излегува дека гигантот во е-трговија, исто така, стана сила на „Вол Стрит“. Дури и навестувањето дека компанијата може да влезе во индустријата ги плаши инвеститорите и девалвира акциите во компаниите. Ова вчера стана особено јасно.
Прво од „Amazon“ најавија дека ќе вработи претприемачи за своите мрежи за снабдување на локално ниво – потег кој може да влијае на дел од бизнисот на курирски компании, како „FedEx“ и „UPS“.
Заедно, двете компании изгубија околу три милијарди долари од нивната пазарна капитализација, при што „UPS“ претрпе најголема загуба.
Неколку часа по оваа изјава „Amazon“ објави дека ќе ја купи онлајн аптеката „PillPack“ – договор кој веќе го потресе здравствениот сектор.
Според извори на „CNBC“, „Amazon“ платил скоро една милијарда долари за компанијата. Веста за зделката избриша околу 14,5 милијарди долари од пазарната капитализација на синџирите аптеки „Walgreens Boots Alliance“, „CVS Health“ и „Rite Aid“ и на дистрибутерите на лекови „Cardinal Health“, „AmerisourceBergen“ и „McKesson“.
Пазарната капитализација на „Walmart“, за која се верува дека понудила помалку од 1 милијарда долари за „PillPack“, вчера се намали за 3,04 милијарди долари.
Ова се некои од најголемите губитници од активирањето на „Amazon“ вчера:
„FedEx“
Пад во пазарната капитализација: 823 милиони долари,
„UPS“
Пад во пазарната капитализација: 2,16 милијарди долари,
„Walgreens Boots Alliance“
Пад во пазарната капитализација: 6,51 милијарди долари,
„CVS Health“
Пад во пазарната капитализација: 4,34 милијарди долари,
„Rite Aid“
Пад во пазарната капитализација вчера: 235 милиони долари,
„Cardinal Health“
Пад во пазарната капитализација: 795 милиони долари,
„AmerisourceBergen“
Пад во пазарната капитализација: 818 милиони долари,
„McKesson“
Пад во пазарната капитализација: 1,79 милијарди долари.
