Денес во Кинотеката на Македонија со почеток во 19 часот ќе започне четврото издание на „Скопје синема сити“ со џез-изложба на фотографии од истакнатата фотографка Татјана Ранташа и со настап на Гоце Стефковски.
„По завршувањето на изложбата, во 20 часот, официјално со проекцијата на филмот ‘Кода‘ за Руичи Сакамото започнува петденвното патување со џез-музиката во филмско издание“, информираат организаторите на фестивалот.
