Американската компанија „ClearMotion“ планира да започне со производство на иновативен модел на суспензија со електронско управување во почетокот на 2019-та година. Таа ќе му овозможува на возилото однапред да се прилагоди на дефектите на патот и да го „притисне“ или да го „подигне“ потребното тркало.
Компанијата го демонстрираше прототипот на овој систем – суспензијата беше монтирана на „BMW Series 5“. На полигон во САД тој покажува значително помалку навалување настрана при остри свиоци, како и при движењето на автомобилот при нерамнини на патот во споредба со стандардниот седан од „Series 5“.
Не се потребни големи промени во возилото за да го инсталирате системот. Инженерите на компанијата успеале да ги соберат сите механизми во мало куќиште монтирано на амортизерот. Куќиштето има хидрауличен вентил, контролер и мотор за хидрауличната пумпа. По наредбата од електрониката пумпата внесува масло внатре во амортизацијата при што обезбедува движење на тркалата нагоре или надолу.
Системот сепак има голем недостаток: нејзината работа се базира на податоци од сајтот за навигација со висока резолуција со грешка од 1 см, поставена во „облакот“. Ова значи дека нејзината работа бара не само брз интернет, туку и мапа за навигација со најактуелните читања. Сепак, компанијата ветува дека од 2019-та година нејзината суспензија ќе биде монтирана на мали автомобили од пет големи групи на автомобили.
