„Wizz Air“, една од авио-компаниите со најбрза стапка на раст и водечки нискотарифен превозник во централна и источна Европа, денес најави отварање на нов центар за обука до крајот на 2018-та година. Во новиот објект се наоѓаат 2 најсовремени симулатори за летање, еден симулатор со фиксна основа, тренинг простор за итна евакуација и трениг простор во случај на пожар.
Со оглед на брзиот раст на оваа компанија во Европа (+20% на годишно ниво) планира да го зголеми екипажот во следниве години, новиот систем ќе овозможи проширување на капацитетот за обука на 100 членови од екипажот дневно, истовремено почитуваќи ги највисоките стандарди.
Сместен на одалеченост од 5 минути од меѓународниот аеродром „Ferenc Liszt“, во Будимпешта, објектот ќе биде најголемиот центар за авио-обука во овој регион, и ќе биде еден од најсовремените во централна и источна Европа, ќе се гради според ефикасни и еколошки стандарди, ќе биде опремен со најнови технологии достапни на пазарите. Објектот кој зафаќа 3.800 квадрати ќе има 14 простории за обука, голем ходник и заеднички простор за одмор. Објектот ќе може и дополнително да се проширува со нови симулатори и простории за обука, што ќе и овозможи на компанијата поголема флексибилност и простор за понатамошен раст.
