Компанијата Фејсбук објави дека ја прекинува соработката со канадската фирма за консултантски услуги во областа на политиката „Aggregate IQ“ (Агрегејт ај-кју).
Соработката е прекината откако беше објавено дека е можно компанијата на несоодветен начин да имала пристап до личните податоци на корисниците на Фејсбук.
Фејсбук е под голем притисок откако беше објавено дека податоци на милиони корисници завршиле во рацете на консултантската фирма „Кембриџ аналитика“, а поранешен вработен во таа компанија тврди дека „Кембриџ аналитика“ соработувала со канадската „Агрегејт ај-кју“.
„Во контекст на неодамнешните извештаи дека можеби ‘Агрегејт ај-кју’ на несоодветен начин добивала податоци за корисниците на Фејсбук, ние ги додадовме на листата на компании со кои ја прекинуваме соработката додека трае нашата истрага“, се наведуваа во соопштението на Фејсбук.