Американскиот претседател Доналд Трамп се разгневи против „Amazon.com“ во четвртокот, велејќи дека онлајн гигантот не плаќа доволно даноци и профитира од поштенскиот систем на САД „како нивно момче за испорака“, соопштува „New York Times“.
Коментарот на претседателот, објавен на „Twitter“, беше упатен во позадина на тврдењата дека Трамп изразил интерес кон тоа да ги преземе „уздите“ над бизнисот со електронска трговија.
„Amazon.com“ и нејзиниот основач Џеф Безос се меѓу главните цели во „твитовите“ на Трамп. Во декември, Трамп се сомневаше во износот на надоместоците што американските поштенски услуги ги наплаќаат „Amazon“ за резерви и дали се доволно големи. Во август, Трамп изјави дека „Amazon“ е штетен за компаниите кои навистина плаќаат даноци.
Што прави и „Amazon“ – во износ од 412 милиони долари во 2016-та година, на пример, покажува извештајот на компанијата кон Комисијата за хартии од вредност и берзите.
Медиумската компанија „Axios“ во средата објави дека Трамп размислува дали „Amazon“ може да биде подложен на антимонополски или закон за конкуренција. Акциите на „Amazon“ паднаа за речиси 5 отсто по објавата на „Axios“, според „Ројтерс“.
Раџ Шах, заменик-секретар на прес-службата на „Белата куќа“, изјави дека Трамп „зборувал за потребата за даночен паритет меѓу онлајн трговците на мало и трговците со физички продавници“.
Во интервју за „Fox & Friends“, Шах додаде дека ова е нешто што Конгресот може да помогне, а претседателот ќе го поддржи.
