Германскиот производител на автомобили „BMW“ се пофали со новиот кросовер „X4“ кој имаше официјална премиера на 14-ти февруари (фабрички код „G02“). Компанијата објави видео во кое ги покажува главните разлики помеѓу двете генерации на моделот за да ги демонстрира главните новитети.
На прв поглед се забележува обликот на задните светла, чиј тип делумно ги повторува решенијата за дизајн на „Mercedes GLC Vibe“. Различни се и издувните цевки. Покрај тоа, регистарската табличка е веќе на браникот, а не како порано на задната врата.
Предните светла исто така се менуваат во споредба со првата генерација. Променета е формата на светлата за магла. Решетката на ладилникот стана многу масивна. Внатрешноста е доби многу модерен изглед, променети се седиштата, воланот, централната конзола, таблата со инструменти и друго, а мултимедијалниот систем може да се управува со гестови.
Исто така се различни и димензиите на моделот. Новиот „X4“ е широк 4.722 mm (+ 81 mm) и широк 1.918 mm (+ 37 mm). Меѓуоскиното растојание е зголемено за 54 mm и сега е 2.864 mm, што овозможува поголем простор во кабината.
Во опсегот на модификации на „BMW X4“ ќе има две „надуени“ верзии на „M Performance“ – „M40i“ и „M40d“. Првиот ќе биде објавен во август, со 3-литарски бензински мотор со турбополнач од 360 КС и 500 Nm вртежен момент. Верзијата „M40d“ ќе има 3-литарски 6-цилиндричен дизел кој ќе развие 326 КС и 680 Nm.
Изборот на мотори ќе вклучува уште два четирицилиндрични бензински мотори со капацитет од 2 литри. Тие ќе развиваат 184 и 252 КС. Исто така ќе има и два 2-литарски дизел агрегати од 190 и 231 КС, како и 3-литарски дизел со 265 КС. Сите модификации се опремени со погон на четири тркала „xDrive“ и 8-степен автоматски менувач.
