Чешкиот производител Škoda на Саемот во Женева го откри својот SUV концепт Vision X кој претставува третиот кросовер модел од Млада Болеслав.
Vision X е технолошки најнапреден модел на Škoda, а се наоѓа во класата под Karoq и Kodiaq.
Еден од клучните детали на овој концепт е хибридниот погон со два електрични мотори и агрегат на компримиран природен гас (CNG).
Vision X се придвижува со 1.5-литарски 4-цилиндарски турбо мотор од 130 КС и 250 Nm вртежен момент.
Едниот електомотор ја придвижува предната осовина, а другиот со моќност од 27 КС задната со 70 Nm при поаѓање. Со помош на менувачот Vision X може да понуди дури 1000 Nm во возење.
Погонот на предната оска е стандарден, додека на сите четири тркала се вклучува кога е тоа потребно, користејќи го задниот електричен мотор за забрзување или тракција.
Исто така, само со електричниот мотор на задната оска автомобилот може да се движи и само на заден погон и да помине два километри. Забрзувањето на Vision X од 0-100 km/h е 9,3 секунди, а максималната брзина е 200 km/h.
CNG агрегатот има два резервоари, еден под задното седиште, а друг зад задната осовина. Вториот електричен мотор го погонува литиум-јонска батерија од 48V и 1.5 kWh, која се дополнува при сопирање.
Škoda истакува дека е избрана поради баланс на дополнителната тежина и складирањето на енергија. Тука е и посебниот резервоар за гориво кој обезбедува движење во случај на ниски температури. Максималниот опсег е 644 km.
Овој систем веќе е тестиран на Karaq, а како основен погон за Vision X е избран за да се покаже начинот на ефикасно воведување на погон на сите четири тркала кај помалите возила.
Визуелно новиот Škoda SUV не се разликува премногу од Karoq и Kodiaq, иако карактеристичната предна маска е направена од едно парче стакло.
Најважни разлики се подигнати фарови со тенко дневно светло и индикатори за движење над главните.
Во задниот дел, светлосната група е во форма L со слично обликувани рефлектори на браникот. , На вратата од гепекот за разлика од другите модели на чешкиот производител нема име на моделот, туку само името на брендот.
Иако е базиран на истата платформа како и Volkswagen T-Roc и Seat Arona, Vision X е подолг (4.250 mm), но и понизок (1.500 mm), а според ширината од 1.800 mm е помеѓу овие два модели. Меѓуоскиното растојание е значително подолго (2.645 mm).
Што се однеусва на ентериерот, високо-технолошките елементи на концептот Vision X ќе бидат применети на идните модели на Škoda.
Тука се широката контролна табла, централно поставен екран на допир над малото „крило“ дизајнирано за наслон на раката додека го користите екранот.