Денеска започнува зимското издание на филмскиот фестивал за музички документарни филмови „Скопје синема сити“, кое ќе трае два дена.
Денеска и утре во Кинотеката на Македонија публиката ќе има можност да гледа филмови чии проекции беа дел од третото издание на фестивалот. Зимското издание е прво од четирите филмски настани што се планирани да се случат оваа година во разни периоди – нешто што организаторите го нарекоа „Четири годишни времиња“. За секој настан ќе има посебно известување за содржините.
„Скопје синема сити“ преку својата платформа има цел да претставува разни музички теми и програми што истовремено ќе едуцираат и ќе забавуваат.
Цената на билетите е 100 денари и може да се купат на билетарницата во Кинотеката на Македонија. Резервациите може да се направат од 16 до 19 часот на тел.: 02 306 5968.
Програма
2.2. (петок)
20 ч – Kraftwerk: Pop Art (60 мин.)
21.30 ч – Лиса Жерар: Засолниште (Lisa Gerrard: Sanctuary) (90 мин.)
3.2. (сабота)
20 ч – Во сеќавање на Лу Рид (Remembering Lou Reed) (60 мин.)
21.30 ч – Дејвид Боуви на Би-би-си (David Bowie at the BBC) (60 мин.)
