Најголемиот производител на автомобили за 2017-та година е алијансата „Renault-Nissan-Mitsubishi“, која го превзема лидерското место од „Volkswagen Group“, објави „Automotive News Europe“.
Вкупната продажба на групата изнесува 10,61 милиони нови автомобили. На „Nissan Motor“ отпаѓаат 5,82 милиони возила, на „Renault“ – 3,6 милиони примероци и на „Mitsubishi“ – 1,03 милиони. Останатите се на другите брендови, меѓу кои помасовни се „Dacia“ и „Lada“.
За споредба, „Volkswagen Group“, во кој освен „Volkswagen“ влегуваат производитеи како „Audi“, „Skoda“, „Seat“ и „Porsche“, ја завршува 2017-та година со резултат од 10, 530 милиони продадени возила или 80.000 помалку од новиот лидер. Трето место е за „Toyota Motorѕ“ со 10,2 милиони продадени автомобили.
За производителите е особено важно да се зголеми обемот на продажбата, бидејќи така постигнуваат заштеди од трошоците за нови инвестиции, потребни за развој на автомобилската технологија на новите генерации – вклучувајќи ги автономните автомобили, електричните возила и новите услуги за мобилност.
Имено токму тоа е идејата на „Renault-Nissan“ е со купувањето на „Mitsubishi“. Главниот извршен директор на Алијансата, Карлос Гон веќе најави дека ќе ги удвои заштедените средства до 10 милијарди евра во 2020-та година, а истовремено ќе ја зголеми годишната продажба на 14 милиони нови автомобили.
Производителите во француско-јапонската група споделуваат заеднички технологии, платформи и компоненти за постигнување на пониска цена. Истото го прави и „Volkswagen“, а сега кон таков пристап се ориентира и „Toyota“, која почнува да разменува технологии и да соработува активно со „Mazda“ и „Suzuki“ претежно во развојот на електрични возила.
