Германската тјунинг компанија „ABT Sportsline“ подготви за саемот за автомобили во Женева подобрена верзија на „Audi RS5-R“.
По неодамнешниот проект со „VW Golf R“ кој доби 400 KS, „Arteon“ со 336 KS и „Audi SQ5“ со 425 KS, на ред дојде и „RS5 Coupe“.
Втор пат во само една година „ABT“ го подобрува „RS5“, a минатиот пат ја подигна моќта од стандардните 450 KS и 600 Nm вртежен момент на 510 KS и 680 Nm.
Сега од 2.9-литарскиот „V6 twin-turbo“ агрегат извлече 530 KS и 680 Nm и стандардно забрзување од 0 до 100 km/h од 3,9 секунди го намали на 3,6 секунди.
Покрај зголемата моќност, „RS5“ има и 21-инчни бандажи со димензии на гуми 265/25 ZR1, како и детали од карбонски влакна.
„ABT“ го огранични бројот на овој модел со високи преформанси на само 50 примероци, а купувачите по желба ќе можат дополнително да ја подобрат стабилноста со вградување на спортски стабилизатори.
Цената на овој модел се уште не е позната.
