Организаторите на конкурсот „Светски автомобил на годината“ ја објавија листата од финалистите кои ќе се борат за првото место. Во него влегуваат 10 модели – три јапонски, по два германски и англиски, и по еден шведски, јужнокорејски и италијански. Победникот ќе биде објавен на 28-ми март за време на автосаемот во Њујорк.
За титулата „Најдобар автомобил во светот“ претендираат „Alfa Romeo Giulia“, „BMW X3“, „Kia Stinger“, „Land Rover Discovery“, „Mazda CX-5“, „Nissan Leaf“, „Range Rover Velar“, „Toyota Camry“, „Volkswagen T-Roc“ и „Volvo XC60“. Последниот од нив – кросоверот на „Volvo“, претходно овој месец беше избран за „Најдобар теренец“ во САД.
Во категоријата „Најлуксузен автомобил“ за првото место ќе „борат“ моделите „Audi A8“, „BMW 6-Series Gran Turismo“, „Lexus LS, Porsche Cayenne“ и „Porsche Panamera“. Кај „Спортските автомобили“ претендентите се „BMW M5“, „Alfa Romeo Giulia Quadrifoglio“, „Audi RS Sedan“, „Honda Civic Type R“ и „Lexus LC 500“.
За победата во класата „Најдобар зелен автомобил“ ќе се натпреваруваат „BMW 530e iPerformance“, „Chevrolet Cruze Diesel“, „Chrysler Pacifica Hybrid“ и „Nissan Leaf“, а за „Најдобар градски автомобил“ – „Ford Fiesta“, „Hyundai Kona“, „Nissan Micra“, „Suzuki Swift“ . Тука е и категоријата „Најдобар дизајн“, во која до финалето стигнаа „Citroen C3 Aircross“, „Lexus LC 500“, „Range Rover Velar“, „Alpine A110“ и „Volvo XC 60“.
Во минатата година за „Светски автомобил на годината“ беше прогласен „Jaguar F-Pace“, а во 2016-та година титулата ја освои „Mazda MX-5“.
