Пред само неколку дена, ви ги покажавме компаниите кои оствариле најголем профит во секунда. Според овој индикатор, технолошкиот гигант „Apple“ ја собори целата конкуренција. Компанијата заработува 1.444 долари во секунда – околу 700 долари повеќе од своите најблиски конкуренти, вклучувајќи банки, конгломерати и други технолошки компании.
Но, додека „Apple“ доминира кога времето се користи како мерка, уште едно прашање е како изгледаат работите, гледајќи го профитот наспроти бројот на вработени во компанијата, прашува „VisualCapitalist“.
Објавувањето се однесува на студијата на „Expert Market“, која ги зема податоците за 100-те најпрофитабилни компании во светот од „Fortune Global 500“.
Врз основа на ова, со споредување на заработувачката со бројот на вработени, „Expert Market“ составува листа на 20-те најпрофитабилни компании по вработени.
Додека „Apple“ има профит од 393.853 долари за секој вработен, компанијата е само 7-ма во овој ранг.
Таа е надмината од технолошката компанија „Facebook“ со 599.307 долари по вработен, како и од комбинација на финансиски, биотехнолошки и комунални претпријатија.
Најизненадувачки имиња на листата веројатно се „Fannie Mae“ и „Freddie Mac“. Ова се две државни претпријатија во САД кои купуваат и реструктуираат хипотеки од банките за секундарниот пазар. Во исто време, тие беа дел од најголемиот федерален заем за спас од 187 милијарди долари за време на финансиската криза во 2008-ма година.
Потоа тие беа силно критикувани за создавање на средина за „морална опасност“.
И покрај катастрофата во тоа време, двете организации сега се профитабилни повторно – и толку многу што се рангираат на прво и трето место во рејтингот.
Минатата година „Fannie Mae“ и „Freddie Mac“ објавија профит од 12,3 милијарди долари и 7,8 милијарди долари. И во однос на големината на нивните тимови, тоа значи 1.76 милиони и 1.5 милиони долари по вработен.
