Утре во 12.00 часот во галеријата „Борко Лазески“ во ЦК „Марко Цепенков“ ќе биде отворена изложбата „Ликовни записи, акрил, мотиви, од река „Црна“ – „Вардар“ и “ Стоби“ од Драган Верговски – Алпи.
Уметникот ќе се претставува со дела кои се создадени во период од мај до октомври 2017 година.
„Изложбата е посветена на мојот професор Борко Лазески, каде што ги научив ликовните техники. Делата се работени на локалитетот „Стоби“ кој што се наоѓа повеѓу двете најголеми реки во Македонија, Вардар и Црна река. Работени се во слободното време, додека главна преокупација ми беше реставрација и конзервација во крстилницата, на подниот мозаик во античкиот локалитет“, вели авторот.
Драган Верговски Алпи завршил ФЛУ Скопје, во класата на проф. Димитар Кондовски. Пензионер советник конзерватор. Реализирал повеќе самостојни и групни изложби во земјата и во странство. Член на ДЛУМ, а долги години работи на конзeрвации на фрескоживописи по македонските цркви.