Театарот „Јордан Х.К-Џинот“ в петок, 22 декември, со почеток во 20 часот хуманитарно ќе ја изведе претставата „Синиот портокал“ од Џо Пенхол во режија на Александар Ивановски, со актерите Самоил Стојановски, Фаик Мефаилоски и Жарко Спасовски.
Со изведбата на претставата велешкиот театар го поддржува проектот „Гуш и Бац“.
Имено, средствата собрани од продажбата на билетите за претставата ќе бидат наменети за реедукација (дефектолог, логопед и сензорна терапија) на деца со аутизам чии родители имаат потешкотии да го обезбедат тоа.
