Точно пред една година Флоран Малуда го славeше со Челзи триумфот во Лигата на Шампионите. Тој беше резерва при победата на пенали над Баерн Минхен, а иронично е што тоа беше и последниот негов натпревар за „сините“.
Офанзивниот играч влезе во конфликт со веќе поранешниот менаџер Роберто ди Матео и во последната година тренира сам во изолација во клупската база или со адолесцентите до 18 и до 21 години. Сепак Малуда заработува по 80.000 фунти неделно, без да се поти многу-многу.
Па така за последната година тој на своето конто доби над 4 милиони фунти, иако нема ниту еден одигран натпревар за „сините“ во оваа сезона. Единствениот проблем со кој Малуда ќе се соочи е дека ќе мора да почека со летните одмори. Неговиот договор со Челзи истекува на 30 јуни и од клубот се категорични дека до тој датум Малуда треба да тренира индивидуално, без разлика дали другите играчи од првиот тим ќе бидат пуштени на одмор.
