Првиот човек на „Алфабет“ Ерик Шмит, во чие сопствеништво е „Гугл“, најави дека интернет пребарувачот ќе ги филтрира содржините за кои се верува дека се руска пропаганда. Шмит конкретно ги именуваше „Спутник“ и „Раша тудеј“ како проблематични, кога бил прашан зошто сајтовите кои се во сопствеништво на Русија се класифицираат како информативни платформи.
„Свесни сме за проблемите и работиме на начинот за детекција на таквите сценарија и спуштање на рангот на таквите страници. Зборуваме суштински за „Спутник“ и „Раша тудеј“. Свесни сме за се и се обидуваме да развиеме систем за да го решиме тоа“ рекол Шмит.
Според информациите, тие сајтови се занимаваат со ширење на неточни информации и лоши работи, но не сакал да откире премногу, за да конкретно го намали влијанието на држвните медиуми.
САД ја обвинува Русија за ширење пропаганда преку интернет, претежно преку социјалните мрежи, а „Раша тудеј“ и „Спутник“ се означени како главни гласноговорници на Кремељ.
„Фејсбук“ и „Твитер“ веќе отворено соопштија дека почнале да работат на намалување на опасноста.