„Едно сонце за сите деца“ – креативни работилници во Чифте амам

Националната галерија на Македонија во соработка со амбасадата на Република Бугарија во Македонија и здружението на граѓани за третман на лицата со аутизам „Во мојот свет“ во пресрет на меѓународниот ден на лицата со посебни потреби организираат инклузивни креативни ликовни работилници на дечиња со аутистичен спектар на нарушување и дечиња од редовната настава.

Креативните работилници ќе се одржат во објектот Чифте амам на 18 ноември од 11 до 13 часот.

Од здружението информираат дека за таа цел ќе бидат користени разни сликарски материјали и техники во придружба на музикотерапија.

Целата манифестација е под мотото „Едно сонце за сите деца“.