Најновата серија тестови за безбедност која ја спроведе „EuroNCAP“ опфати 8 нови модели на европскиот пазар, од кои дури 7 припаѓаат на СУВ/кросовер сегментот, а сите тестирани осум возила добија максимални оценки на тестирањето.
Дека кросовер и СУВ моделите се повеќе доминираат на пазарот на нови автомобили на Стариот континет, сведочи и последната тура на „EuroNCAP“ тестовите за безбедност на кои се најдоа новите „Volvo XC60“, „Citroen C3 Aircross“, „Mitsubishi Eclipse Cross“, „Opel Crossland X“, „Škoda Karoq“, „Volkswagen T-Roc“, „Seat Arona“ и новиот „Volkswagen Polo“.
Куриозитет е дека седум од наведените осум автомобили се кросовери или СУВ модели, а само е „Volvo XC60“ имаше истоимен претходник на пазарот – другите се целосно нови модели.
И додека „Citroen C3 Aircross“ и „Opel Crossland X“ преставуваат кросовер замени на „МПВ“ моделите „C3 Picasso“ и „Opel Meriva“, „Mitsubishi Eclipse Cross“, „Škoda Karoq“, „Volkswagen T-Roc“ и „Seat Arona“ се имиња кои за прв пат се појавуваат во програмата на своите брендови, иако „Karoq“ тука е наместо „Yeti“.
Покрај тоа, „Karoq“, „T-Roc“ и „Arona“ се сродни кросовер/СУВ возила кои се настанати во рамките на истата, „Volkswagen“ групација. Меѓу овие имиња единствениот „натрапник“ е новата генерација на „VW Polo“, кој ги брани боите на класичните патнички автомобили.
Како што веќе наведовме, оваа серија на „EuroNCAP“ тестовите е секако една од најуспешните во историјата на организацијата, кога ќе се гледа вкупната оценка за безбедноста на тестираните модели – сите 8 возила добија максимални 5 ѕвезди!
Tестовите на споменатите модели може да ги погледнете во продолжение:
Volvo XC60
Škoda Karoq
Citroën C3 Aircross
Opel/Vauxhall Crossland X
Seat Arona
Mitsubishi Eclipse Cross
VW T-Roc
VW Polo
