Шведскиот производител на хиперавтомобили „Koenigsegg“ најави дека неговиот модел „Agera RS“ го подобрил светскиот рекорд за брзина кај сериските автомобили, како развил 277,9 милји на час (447,24 км/ч).
Треба да се разјасни дека нема официјална потврда за ова. Податоците за евидентирани не од телеметричкиот систем на возилото „Koenigsegg Agera RS“, туку од посебен модул „Racelogic“. Затоа, деталите ќе бидат доставени во наредните денови.
На официјалните страници на компанијата на социјалните мрежи се прецизира дека рекордот е постигнат на делница во пустината Невада. Зад воланот на машината бил тест-пилотот на „Koenigsegg“ – Николас Лилја. Максималната брзина била остварена по сите стандарди, така што е постигната и во двете насоки на патеки и одговара на брзината на ветерот.
Од компанијата пуштија две видео снимки, а втората е снимена од кабината на пилотот. И на двата снимката се гледа дека пилотот почнува да забрзува премногу бавно, но кога ќе достигне 300 км/ч дава максимално гас. При првиот обид Лилја успева да развие 272 милји на час (437,74 км/ч), а во вториот – 284,3 милји на час (457,53 км/ч).
Просечниот показател кај двата обиди – 277,9 милји на час (447,24 км/ч) е повисок од досегашниот рекорд на „Bugatti Veyron Super Sport“ – 267,8 км / ч (429,7 км/ч). Тој беше постигнат во 2010-та година и е официјално е запишан во Гинисовата книга на рекорди. Сега се очекува одговорот на наследникот на „Veyron“ – „Chiron“, за кој се тврди дека ќе развива 288 милји на час (463,49 км/ч).
