Јапонскиот технолошки конгломерат „Toshiba“ најави дека ќе купи назад 10% удел во „Westinghouse Electric“ од малцински акционер „Kazatomprom“ за 59 милијарди јени (522 милиони долари), со што стана единствен сопственик на банкротираната американска единица, пренесува „Ројтерс“.
Потегот доаѓа во момент во кој „Westinghouse“ ја разгледува можноста за продажба, а договорот најверојатно ќе го оцени делот на околу 4 милијарди долари, пишуваше „Ројтерс“ минатата недела, повикувајќи се на извори запознаени со прашањето.
Компаниите за инвестирање во удели „Blackbone Group“ и „Apollo Global Management“ се здружија за да наддаваат заедно за „Westinghouse“, велат изворите. Според зборовите „Cerebrus Capital“ води преговори со американската компанија „BWX Technologies“ за давање на заедничка понуда.
Успешната продажба ќе го намали финансискиот шок што „Westinghouse“ и го нанесе на „Toshiba“.
Јапонската компанија објави дека откупот ќе се случи на 1-ви јануари 2018-та година.
„Westinghouse“ прогласи стечај претходно оваа година, откако се покажа дека направила трошоци за милијарди долари над предвидените за изградба на четири реактори во САД.
