Новиот Duster доаѓа со целосно изменета кабина и многу нови технологии (фото+видео)

Dacia го искористи Франкфуртскиот саем за официјално претставување на новата генерација на својот бестселер „Duster“.

Промените кај кросоверот влијаат и на надворешноста и на внатрешноста. Нови се предниот и задниот дел на моделот, како и оптиката. „Duster“ има добиено 17-инчни тркала, а предниот држач е поместен 100 mm напред.

Големата разлика е во внатрешноста каде има нова инструмент табла со голем екран на вградениот компјутер. Постои управувач со различни копчиња и може да се прилагоди на висина. Централната конзола е променета поради екранот на мултимедијалниот систем, кој веќе е поставен повисоко. Единицата за климатизација и седиштата се нови.

Опремата на возилото исто така е зголемена. За европската верзија на „Duster“ веќе ќе се нуди систем за преглед во круг, функција за следење на мртвите зони во страничните ретровизори, климтроник, систем за пристап без клуч и стартување на моторот. Исто така има и функција за автоматско менување на фаровите.

Технички „Duster“ не е менуван, така што ќе продолжи да доаѓа со 1,6-литарски бензински атмосферски мотор со 115 КС, како и со 1,2-литарски турбо кој развива 125 КС. Дизелите остануваат два со капацитет од 1,5 литри, кои нудат 90 и 110 КС.

Спротивно на очекувањата, кросоверот на „Dacia“ ја чува својата платформа. Во неговата основа е шасијата „B0“ на Алијансата „Renault-Nissan“, па кај моделите со преден погон се обложува на полунезависина суспензија, а кај оние со систем 4х4 позади има независна електромагнетна спојка.