Компанијата планира да отвори осум нови хотели во наредните месеци, соопшти компанијата. Три од нив се во Романија, два во Босна и Херцеговина, а по еден во Србија, Македонија и Унгарија.
Одделно, синџирот планира да склучи 40 нови договори за управување на различни локации во регионот.
Главен извршен директор на „Орбис“, Жил Клавие истакнува дека Источна Европа е голем пазар со една од најбрзите стапки на раст на бруто-домашниот производ (БДП). Ова е предуслов за зголемување на побарувачката за бизнис и рекреативни услуги, рече тој.
„Од друга страна, гледаме дека градителите и инвестициските фондови кои претходно се откажале од проектите поврзани со хотели уште еднаш се привлечени кон овој сектор поради зголемената профитабилност на хотелскиот менаџмент не само во Полска, туку и во целиот источно-европски регион. Сакаме да го забрзаме развојот на нашите помали средства и да ги направиме „AccorHotels“ уште позабележителни и популарни во регионот и во пазарите во развој, како што се Србија, Хрватска, Романија, Словенија и Бугарија“, рече тој.
Да потсетиме дека „Орбис“ потпиша договор со францускиот синџир „Accor“ во 2015-та година за да преземе 46 од нејзините хотели во регионот, како и да стекне ексклузивни права за лиценцирање на брендот на синџирот.
