Швајцарската компанија за луксузни стоки „Richemont“ ја продаде компанијата „Shanghai Tang“ која е базирана во Хонг Конг за модни стока, која некогаш беше една од првите кинески луксузни брендови кои бараа глобално присуство. Купувачот е италијанскиот претприемач Алесандро Бастен, пишува „Bloomberg“.
Швајцарскиот гигант стави крај на 19-те години, во кои беше сопственик на „Shanghai Tang“ која произведува машка и женска облека, комбинирајќи влијанија од западниот и кинескиот дизајн. Ова е првата продажба на луксузна марка на „Richemont“ од 2007-ма година, кога компанијата се раздели со „Montegrappa“.
„Продажбата на „Shanghai Tang“ е логичен чекор. Марката не чинеше ниту од гледна точка на продажба, ниту од профит“, коментира Тенет Вебер, аналитичар во „Vontobel“.
„Shanghai Tang“ е основана уште во 1994-та година, а во моментов има 48 продавници. Иако брендот има корист од обновениот интерес на помладите корисници и од проширувањето на кинеското влијание на глобално ниво, компанијата не успеа да застане сериозно во САД и Европа, а корисниците на кинескиот пазар ги претпочитаат западни луксузни брендови.
„Richemont“ го купи контролниот удел од компанијата во 1998-ма година, една година откако суверенитетот на Хонг Конг беше префрлен од Велика Британија на Кина. Останатиот дел од пакетот акции беше купен во 2008-ма година.
Луксузната компанија со седиште во Женева сега го обновува своето портфолио, откако ја обедини онлајн единицата „Net-a-Porter“ со „Yoox“ во 2015-та година. Таа поседува 18 брендови, вклучувајќи „Cartier“, „Montblanc“ и „IWC“. Компанијата најави продажба овој понеделник, но не откри каква е вредноста на трансакцијата.