Оперативната добивка на „Deutsche Telekom“ во првиот квартал од оваа година се намали за 4,3 проценти, како резултат од големите инвестиции на главните пазари во Европа, соопшти денес компанијата.
Заработката пред каматата, даноците, депресијација и амортизација, без еднократни ставки, во првиот квартал од оваа година изнесуваше 4,29 милијарди евра.
„Deutsche Telekom“ соопшти дека инвестициите во првиот квартал надминале 3 милијарди евра, што е речиси 40 проценти повеќе од минатата година.
Приходите на компанијата во првиот квартал се намалени за 4,5 проценти во однос на истиот период од минатата година, на 13,8 милијарди евра.
