За сите љубители на модата и модните трендови Skopje City Mall организира кампања “Fashion month”, која започна вчера а ќе трае до 4-ти јуни. Во периодот кој следи секоја недела ќе биде посветена на различни групи на производи каде ќе биде презентирана понудата на закупците, а производите ќе можат да се купуваат по намалени цени.
Вчера започна матурската недела фокусирана на сите матуранти кои се во потрага по својата совршена комбинација, а ќе трае до 10.05. Наредната недела е посветена на џинсот. Џинс-манијата ќе трае до 17.05, а веднаш потоа започнува shoes mania, каде закупците ќе го понудат најдобриот избор на чевли по намалени цени. Последниот дел од Fashion month е резервиран за фустаните и со тоа ќе се заокружи месецот на модата.
“Целта на оваа кампања и сите останати настани кои ги организираме, е секој пат посетителите да добијат ново искуство и шопингот да го претворат во посебно доживување. Настојуваме нашиот трговски центар да биде во чекор со сите глобални достигнувања во контекст на стандардите, интеракција со потрошувачите, понудата на брендовите и целокупниот амбиент. Во овој месец на модата, секој вљубеник во добриот моден стил ќе го пронајде своето парче облека и притоа ќе го искористи попустот кој го нудат закупците следните четири недели.”- изјави Дарко Панчевски од Skopje City Mall.
Од трговскиот центар најавуваат и многу дополнителни активности, изложби и интерактивни работилници интересни за сите посетители. За повеќе детали посетете ја нивната официјална веб страна http://skopjecitymall.mk/.
