Тјунинг компанијата „Pogea Racing“ го слави 20-тиот роденден со нов проект, базиран на минијатурниот „Abarth 500“. Од компанијата тврдат дека завршувањето на проектот, кој се нарекува „ARES“, им зеде 4 години развој и тестови. Финалниот резултат е модифицирана верзија на италијанската градска „оса“.
Се започнало од фабричкиот 1.4-литарски 4-цилиндричен бензински мотор, кој во стандардна верзија има 135 КС. Кога „Pogea Racing“ завршиле со него, истиот веќе располага со бруталните за димензиите на овој автомобил 406 КС. Тука е моментот да се прецизира дека возилото е целосно одговара на барањата за користење на јавната патна мрежа.
Максималниот вртежен момент достигнува 445 Нм и се постигнува при 3350 врт/мин, што е повеќе од два пати повеќе од фабричките можности на моторот.
Самиот мотор бил значително модифициран, а тјунинг експертите тврдат дека ги испитувале можностите на седум турбополначи и три инекциски системи пред да се запрат на концептот, кој ги задоволува нивните барања. Максималната моќност се постигнува при 6400 врт/мин, а автомобилот забрзува до 100 км/ч за само 4.7 секунди.
Максималната брзина е 288 км/ч, што е директно поизразено за автомобил од оваа класа.
Клиентите на „Pogea Racing“ добиваат 1 година гаранција за моторот и погонскиот систем, користејќи ги за оваа цел услугите на надворешна осигурителна компанија. Креаторите на нестандардниот автомобил прецизираат дека пред да биде пуштен на пазарот, пакетот низ многубројни тестирања од вкупно 12.000 километри, во кои не бил забележан ниту еден сериозен проблем со сигурноста.
Лошата вест е дека само 5 такви автомобили ќе бидат конструирани, а едниот веќе го гледаме на сликите. Добрата е дека делови од пакетот може да се нарачаат одделно.
Што се однесува до изгледот, моделот има 18-инчни лесни алуминиумски бандажи, карбонски оптички пакет, прилагодлива спортска суспензија „KW Clubsport“, како и спортски систем за сопирање. Без возач, но со полн резервоар гориво, „ARES“ тежи едвај 977 кг.
Клиентите можат да порачаат модифицираните надворешни детали изработени од пластика, а не од карбон, како и самостојно, без да е потребно тие да бидат комбинирани со безбедносните иновации. Оптичкиот пакет може да биде монтиран на секој „Abarth 500“, произведен по 2008-ма.
Подобрувањата на менувачот и моторот почнуваат од 21.000 евра. Основната цена на целосен пакет е 58.950 евра, што вклучува работата на модифицирање, фарбање и самиот „Abarth 500“.
